XƏBƏRLƏR Çap et 238 Arxiv
17.09.2019 / Mühüm hadisələr
Elm və təhsildə fərqlənən tələbələrə xüsusi təqaüd veriləcək

Bu fikri AMEA-nın prezidenti, akademik Akif Əlizadə Bilik Günü münasibətilə keçirilmiş tədbirdə səsləndirib.

Alim öz çıxışında təhsildə və elmdə yüksək nəticələr göstərən tələbələrin fəaliyyətini stimullaşdırmaq məqsədilə hər il təşkil edilən “Magistr” müsabiqəsindən söz açıb. Bildirib ki, cari ildən etibarən magistraturaya yüksək balla qəbul olan, eləcə də öz səmərəli fəaliyyətlərinə görə fərqlənən tələbələrə AMEA prezidentinin xüsusi təqaüdü veriləcək.

Akademikin sözlərinə görə, bu addım tələbələrin elm və təhsilə olan marağını artırmaqla yanaşı, həm də onların sosial durumunu daha da yaxşılaşdırmaq məqsədini daşıyır.

A.Əlizadə artıq AMEA-nın yataqxanasının magistrantların sosial şəraitinin yaxşılaşdırılması üçün öz imkanlarını səfərbər etdiyini də vurğulayıb: “Bu da o deməkdir ki, magistrantlarımız həm bizim tələbəmiz, həm də əməkdaşımız və sakinimizdir”. Alim bu tendensiyanın gələcəkdə də davam etdirilməsinin, növbəti mərhələdə innovativ dissertasiya mövzularını dəstəkləmək üçün “tələbə qrantı”nın da elan edilməsinin nəzərdə tutulduğunu bildirib.

©  www.science.gov.az

Ünvan:

AZ1001, Bakı ş., İstiqlaliyyət küç., 30, 5-ci mərtəbə, 501, 502, 503, 504, 508 nömrəli otaqlar, AZ1143, , Bakı ş., Hüseyn Cavid küç.,115, 1-ci mərtəbə, 137, 138, 139, 140, 141 və 150 nömrəli otaqlar

E-poçt:

etbi@science.az

Telefon:

(+994 12) 492 65 31

Faks:

(+994 12) 4926670

Copyright © 2006-2018 AMEA İnformasiya Texnologiyaları İnstitutu