XƏBƏRLƏR Çap et 283 Arxiv
16.05.2019 / Mühüm hadisələr
AMEA-nın prezidenti 2018-ci ildə Web of Science və Scopus elmi bazalarında indeksləşən jurnallarda dərc olunan məqalələrin müəyyənləşdirilməsi haqqında sərəncam imzalamışdır

AMEA-nın prezidenti 2018-ci ildə Web of Science və Scopus elmi bazalarında indeksləşən jurnallarda dərc olunan məqalələrin müəyyənləşdirilməsi haqqında sərəncam imzalamışdır. Sərəncama əsasən sözügedən elmi bazalarda indeksləşən jurnallarda dərc olunan hər bir məqaləyə görə onların müəlliflərinə 100 (yüz) manat məbləğində pul mükafatının verilməsi nəzərdə tutulmuşdur.   

Sərəncamda AMEA-nın elmi bölmələrinə tabeliklərində olan elmi müəssisələrin əməkdaşları tərəfindən 2018-ci ildə bu bazalarda indeksləşən jurnallarda dərc olunan məqalələrin siyahısının hazırlanması və iki həftə ərzində AMEA Rəyasət Heyəti aparatının Elm və Təhsil Baş İdarəsinin Elmi-analitik şöbəsinə təqdim olunması ilə bağlı tapşırıq verilmişdir.  

Qeyd edək ki, AMEA prezidentinin müvafiq sərəncamına əsasən 2015-ci ildən etibarən AMEA alimlərinin elmi fəaliyyətinin stimullaşdırılması məqsədilə Web of Science və Scopus bazalarında indeksləşən jurnallarda nəşr  olunan hər bir məqaləyə görə pul mükafatı verilir. 

Ünvan:

AZ1001, Bakı ş., İstiqlaliyyət küç., 30, 5-ci mərtəbə, 501, 502, 503, 504, 508 nömrəli otaqlar, AZ1143, , Bakı ş., Hüseyn Cavid küç.,115, 1-ci mərtəbə, 137, 138, 139, 140, 141 və 150 nömrəli otaqlar

E-poçt:

etbi@science.az

Telefon:

(+994 12) 492 65 31

Faks:

(+994 12) 4926670

Copyright © 2006-2018 AMEA İnformasiya Texnologiyaları İnstitutu